ناس .. و .. ناس ( 2 )
💥💥💥💥💥
اللي دايماً
كئيب و نكدي ...
و لونه غامق
وداا عكسُه خالص
تملّي يضحك ...
فااايق .. و .. رااايق
💥💥
و اللي عامل نفسُه صاحبك
و لو إحتاجتُه يوم ...
مش هتلاقيه
و غيره .. من قلبُه يحبك ..
يفديك بروحه
لكنّ إنتٓ ... مش غاويه
💥💥
واللي من جوااك شاريه ...
و هوا بايعك
تطبطب ... تدادي ...
تبات تنااادي
و لااا ... حتّي سامعك
💥💥
و حد تشوفه من غير ما ينطق ...
تكرهُه
رافضُه دمك ... مهما يعمل
و حد تاني ...
والله لو هتموت عشانُه
مش هتفرق
و مش هيسأل
💥💥
وشخص تشوفه تقول حنين ...
و آااخر حلاوة
و هوا في الأصل يا ساااتر ...
عليه غباااوة
💥💥
و فُلان دا وحشك
نفسك تشوفه ...
و هتمووت عليه
بسس .. تقلان البعيد
مكبّر دماغُه ...
و مغمض عينيه
💥💥
و دي شايفة روحها
ما تعرفش ليه .. ?
و ساكنة العلالي
و التانية ..
بتتسحب لقلبك ..
سنّة سنّة
و تسيبك ...
تلالي
💥💥
و حوالين كل دُول ...
بتلف وتدور الحياااه
نلف فيها ... ندوخ معاها
و أملنا نمسك
طوق نجاااه
💥💥
و ما بين اللُقا ...
و بين الوداااع
في منّا اللي تاه
و فينا ....
اللي ضاااع
💥 و للناس بقية 💥
بقلمي / صفاء الطويل
ليست هناك تعليقات:
إرسال تعليق