^^***الغربة***^^
🚅🚅🚅🚅🚅🚅
عارف انت لما تفكر تسافر وتتغرب وتبعد عن اهلك وخلانك. ..عن ابوك وامك. ..عارف انت لما الدنيا تحلالك فى غربتك .... اما تحس ان شوقك لارضك وناسك بيختفى..عارف لما تكتفى بأنك تعيش مع نفسك ووهم الحياه ...تغرق نفسك فى اتصالات الكترونيه ...وتواصلات اجتماعيه قد يكون أغلبها زائف...عارف كل ده ليه لانك ماحبتش غير نفسك وهروبك برا قلوعك ومجدافك .. ابوك وامك واخواتك. ..عارف لو كنت جربت تحب بجد...كنت اشتاقت ترجع ....كنت بقيت زى اللى بيحب ويدوق المر بعد الحلو بس برضه راضى بحبه ..بيتغرب لو بعد عن تعبه وقرفه وغلبه ..بس برضه بيشتاق للبلد برغم كل الغلب والقرف اللى فيها ؟!
ده بالظبط اللى بيحصلنا لما بنحب بنقبل اللى بنحبه بكل غلبه وقرفه حتى لو قابلنا غيره برضه بنفضل نحبه لاننا
بنشوف فيه الوطن . ودا اللى عايزه اوصله حب بجد عشان تشتاق ترجع ..وكفايه غربة وتيه ...وفرقه احباب مارايتهم العين من كام سنه ..لو فعلا بتحب ارجع ...ارجع ولم الباقى من ريحة ابوك وامك....ارجع لحضن اخواتك ودفاهم .ارجع لارضك ...لوطنك ....ارجع ليا عشانى ...انا عشقك وحبك ووطنك. ..انا الوطن اللى اختارته مش اللى اتفرض عليك
علشان كده لازم تختار بينى وبين غربتك ارجع علشان لما ترجع تسمع منى أحلى حمد الله ع السلامة. ونصيحة منى اسمعها لو لاقيت حد بيعتبرك وطنه بلاش تهجره من جواك
ونصيحة أخيرة أحسن إختيار وطنك حتى لا تعيش بمشاعر لاجئة بلا سكن
إلى غائب متغرب.....!!!
وصلت
بقلمى/سهام أسامة
Seham Osama
ليست هناك تعليقات:
إرسال تعليق