هو سؤال ممكن حد يحب حد من غير مايشوفه...او من غير مايكون شئ ملموس .... هل من الممكن أن يستوطن روحك ويستحوز عليك لمجرد انك قريته....؟!
واﻹجابه....!!!
اه ممكن بس ده بيحصل مع ناس معينه ...ناس اصلا بيور من جواها. ...بس انصدمت كتير ...يعنى حبت بجد وانجرحت...عملت علاقات تعويضيه للنسيان...زى اﻻنسان اللى سخن ويحط نفسه تحت مياه بارده بس عشان يحس برعشه فى جسمه تعوض رعشة الحب اللى خسرها...او انه تعلق بحد وسابه متعلق وقاله سلام ومشى...الناس دى بتبقى مابتصدق تقرأ حد تحس انه غريب فى عواطفه مش مكرر فى مشاعره...احيانا ثائر....واحيانا هادئ ...بارد ...مليان أشواق...وحب ...وغضب...حد غريب اﻻطوار. ...اﻻنسان ده بيستوطنك ...بيحتلك....بتحب تدخل جواه تعرفه ...تقرب منه ....بس المصيبه انك لو قربت منه ...ممكن تحبه او تعشقه ... ويمكن تتمنى الحياه معاه...انت من غير ماتشعر...حاسس انه بتاعك ..ليك لوحدك انت بس اللى من حقك تحضنه...تستمد من حضنه طاقة الحياه...تغير عليه ...بس مش عارف تقوله ازاى...ومالكش حل تبقى مش عارف تحل روحك منه ....خلاص انت اتسممت بيه ...بحبه
فضلت تدور على حد يشبه روحك بس الخسارة ... انك لقيته فى دنيا تانيه....بس عاجبك انك نعيشه ...تسمعه...تغير....تموت لو قال اه...والسؤال هنا انت صح وﻻغلط.... عايش وﻻ ...ﻻء....ااقولك انت مشرد ممذق بحبه مش قادر تعيش معاه...وﻻقادر تبعد...اﻻستوطان الروحى ده استعماار. ..للجسد والروح والقلب حاول تحب روحك عشان تحل نفسك منه....؟؟!!!
بقلمى سهام اسامه
Seham
ليست هناك تعليقات:
إرسال تعليق