لو تعرفى ...
لو تعرفى كلمة
حبيبتى تعنى ايه
لو تعرفى لما بقولها
تساوى عندى اد ايه
كلمة حبيبتى مش فراغ
يعنى عمرى عليكى مش هخاف
يعنى بتبقي
نص حلم
نص دنيا
نص ايامى اللى جايه
وانا بكى ببقى حلم
وانتى بيا بتبقي دنيا
واحنا معا كل ايامنا اللى جايه
كلمة حبيبتى حمل تقيل
مش حروف متلمعه وشعر طويل
ولا خروجه ب البدل
واكل غالى وركوب خيال
كلمة حبيبتى مسئوليه
لو اللى قالها راجل اصيل
# صالح #
ليست هناك تعليقات:
إرسال تعليق