(من واواتي الحزينه)
-----
(1)
عمر المناصب ماغرتني
ولايوم بكيت عليها
أصحابهاجرحتني وباعتني
وأنااللي فضلي كاسيها
----
(2)
كتبت ومليت ورقي بالأحبار
في مدح خلايق ماتستاهل
فتحتلهم بيتي طلعوا الاخبار
الحق مش عليهم أنا أستاهل
----
(3)
مركب الحمول من كترالهموم ركنت
لاقادره تقطع موجه ولاعلي البرترسي
حاولت تخف الحمول الأيام عاندت
سلمت أمرهالله زي ماتمشي ترسي
---
(4)
هنوني وزعرتولي وطبلولي
الفقروالهم نايمين في طولي
ولاراضين يسيبوني ولايفارقوني
الإلماتطلع روحي من حلقومي
----
(5)
مرسوم ياحزن علي الوشوش
والكلمه بتطلع ضعيفه حزينه
والضحك من الهم صارمغشوش
من عيشة مليانه كأبه غيركريمه
----
(6)
ياورد ولسه ما طاب
ليه أتقطفت بدري
هو البخت معاك خاب
ولانويت تمشي بدري
-----
(7)
ياعود أخضر أيه دبلك
الهم زاد عليك وشندلك
ولاالزمن غدربيك وبهدلك
أنسامتخليش حاجه تحزنك
----
(8)
ياعود أخضرولسه طالع
ليه ضهرك أنحني بدري
ورجلك مابتخطي المطالع
أنساداربك بعبده يدري
------
بقلمي
شعبان الخضراوي
شاعرعاشق الأحزان
2017-8-27الأحد
ليست هناك تعليقات:
إرسال تعليق