ماقديت نتنفس هوا (ء)
وقلت لسبيطارنا نمشي ليه....
بغيت نتعالج و نداوا
تزادني مرض ما حالم بيه....
مع الباب سمعت فين يالخاوة
يشير عليا بديت نسمع ليه....
ليا تجبر ونطق فين لحلاوة؟؟؟
جاوبتو هاذ الشي ما معترف بيه.....
واش من غيرها تولي لعداوة
أو هاذ السبيطار ما حقي فيه....
نطق هاذوك لي ما فيهم سخاوة
راهم ف الصف يتزاحمو عليه....
شفتهم يلعبوا الرطاوة
طبيبنا واحد امتى الصف يساليه.....
واحد سخانتو ولات حماوة
والاخر يمشي على يديه ورجليه....
واحد يبكي بحر لمضاوة
يغوت مسكين شكون يواسيه....
كاين لي ينين وزادني قساوة
أما مرضي وليت أنا ناسيه.....
إمتى حقنا يتساوى
والناس للرميد تستافد بيه....
تما فين كاينة لحلاوة
ملي السبيطار لمرضك يداويه......
.........أحمد الناصري ........
ليست هناك تعليقات:
إرسال تعليق