كيف وعلاش
كيف العيد يحلى
وسط اوطانو
الدنيا واحلة
والهم بٱطنانو
علاش انا شبكة
والهم كلو فيها اتكى
علاش انا قلم
وماننشرالسلم
كيف يحلى العيد
تفرح الناس
كيف الخلق والعبيد
النار وقبر ف ساس
علاش انا هكة
غادي وحال التكة
وانا مسلم
وماسلم مني دم
كيف العيد يحلى
والدار تسدت بابها
الناس ف الخلا
فاقده هلها واحبابها
علاش انا ضحكه
وكل واحد هاز عليا فركة
علاش انا سم
وسمي ماقتل الغم
كيف يحلى العيد
وشحال م ريوس ضاعو
هاد الشي فريد
ومازال مالقى الدلو قاعو
علاش انا مسكه
يمضغني المنشار بالسكه
وانا غير كم
نمسح خنونة الضلم
كيف العيد يحلى
ويضحك السن ليومو
الارض تحرقت حبلى
تفكر القمر بلا نجومو
علاش انا ركة
نتحشش ونتجون بالدكه
علاش انا معلم
ومانخللي اللي يتعلم
كيف يحلى العيد
وفقد الولد اباه
تموت المراه والتاليد
والحيط البارود ف التراب غباه
علاش انا حركة
وحركتي لخويا حاركة
علاش انا فم
يلا مانبوحش بالحلم
كيف العيد يحلى
وتحلى معاه الدبيحه
كيف المشينة تزيد للبلا
والسكة ماشي صحيحة
كيف صوت المقهور يعلا
والكورفاج ف ضهرو مليحه
اللي گال شي هاالمقله
وبارك من تخراج الصنطيحه
علاش انا تم
وسر الخونة يتكتم
بقلم ادريس جبيلو
المغرب
ليست هناك تعليقات:
إرسال تعليق