ايوه المره دى عايزه اكتب قصة ...اه قصة حب من نوع آخر...!!! يمكن مالهاش إطار او برواز...وﻻ متزوقه بكﻻم ومترتب ...فيه الحروف...هى قصه براءة القلوب. ..النبض البيور...بس مش حا أحكى فى المقدمه كتير ....هى اصﻻ ملهاش مقدمات. ...مدرجه بقاموس القصائد واﻻشعار....المهم كنت ماشيه فى حالى ....فى زمانى واخده طريقى فى سكتى وﻻ نظرة شمال وﻻ يمين اه أصلى بحب الطريق المستقيم....المهم رميت ناظرى قدام شويه أتحسس الطريق اﻻمامى ...لاقيت قدامى طفل برئ مجروح من الوحده والظنون. ...اه انا عرفت حكايته بعد ماخد ايديه فى ايديه اعدى بيه الطريق ...سمعت منه ياما....تعب قلبى وكسر فيا حاجات كتير....عرفت ان الدنيا فيها وفيها..الحلو والمر...لاقيته قابل الخيانه...والحب المزوق باهه مرة ملهاش للروح متعه...لكنه قالى اسمعيني ....محتاج اتكلم مع حد جديد كوكب تالت. ...بعيد سمعت ....حسيته ابنى ....محتاج لحضنى....أخويا محتاج نصيحه....ابويا محتاج ﻻبنه مش عشيقه....حسيته ضعيف...خدته معايا فى سكتى ..وجعلته يقرأ قرانى وسورة النساء ...وحكيت له قصة امرأة فرعون..بس مكنتش ...اعرف انى خدته فى طريق ....ابعد لبعيد ...نقاء وصفاء وقلب أطهر من اﻻثام....اﻻ آثم واحد استوطن جواه.. حبه لى ...اه وكانت دى المعصية إلى معملتهاش ...لكنه حبنى ﻻختﻻفى عن الباقيات ..حبنى حب ملئ باﻻكتفاء....مقدرش يعرف أن حبى ليه ...كان حب اﻻحتواء ...حب اﻻم ﻻبنها بقيت بغير عليه من شدة خوفى ﻻيضيع تانى....حب اﻻخت ﻻخوها وغيرة على قلبه من هجر النور...اللى اتزرع جواه...هو حب من نوع آخر ....حب حياه اتولدت من جديد....وانتهى الطريق ...ووصلت للنهايه وصحيت ...من حلم خلق اﻻيمان بروح تائهه .....!!!!#
بقلمى سهام اسامه
Seham Osama
ليست هناك تعليقات:
إرسال تعليق